वीरेन्द्रनगर, सुर्खेत

नेपालका लागि एथर इनर्जी (Ather Energy) को आधिकारिक वितरक बैद्य इनर्जी (Vaidya Energy Pvt. Ltd.) ले कर्णाली प्रदेशमा आफ्नो उपस्थिति मजबुत बनाउँदै सुर्खेतको वीरेन्द्रनगर–१२, एयरपोर्ट चोकमा १६औँ एक्सपेरियन्स सेन्टर (Experience Center) सञ्चालनमा ल्याएको छ।

असोज ५ गते आयोजित एक विशेष उद्घाटन कार्यक्रमका बीच नयाँ शोरुमको औपचारिक शुभारम्भ गरिएको हो। स्वर्णिम बिजनेस कन्सर्नका अध्यक्ष सोमराज थापाको अध्यक्षतामा सम्पन्न उक्त कार्यक्रममा सुर्खेत उद्योग वाणिज्य संघका अध्यक्ष हर्षविक्रम खड्का प्रमुख अतिथिका रूपमा उपस्थित हुनुहुन्थ्यो।

कार्यक्रममा नाडा (NADA) का उपाध्यक्ष तथा कर्णाली अटोमोबाइल्स एसोसिएसनका पूर्व अध्यक्ष भद्र भण्डारी, सुर्खेत उद्योग वाणिज्य संघका पूर्व अध्यक्ष लक्ष्मण कँडेल र पूर्व वरिष्ठ उपाध्यक्ष गणेशकुमार बस्नेत लगायत स्थानीय उद्योगी, व्यवसायी, अटोमोबाइल क्षेत्रका प्रतिनिधि, पत्रकार तथा ग्राहकहरूको उल्लेख्य उपस्थिति रहेको थियो। एथरका ब्राण्ड डेभलपमेन्ट म्यानेजर सलमान खानले स्वागत मन्तव्य व्यक्त गर्नुभएको उक्त कार्यक्रमको सञ्चालन सैयद अन्वर अलीले गर्नुभएको थियो। 

अत्याधुनिक प्रविधि र आधुनिक सवारी अनुभव

नयाँ एक्सपेरियन्स सेन्टरमार्फत कर्णालीका ग्राहकहरूले एथरका प्रख्यात विद्युतीय स्कुटरहरू प्रत्यक्ष अवलोकन गर्नुका साथै टेस्ट राइड (Test Ride) को सुविधा पाउनेछन्। सेन्टरमा मुख्य गरी दुई मोडल उपलब्ध गराइएको छ:

एथर ४५० सिरिज (Ather 450 Series): उच्च पर्फर्मेन्स र आधुनिक प्रविधिका पारखीहरूका लागि लक्षित यस सिरिजमा थ्रोटल मोडेर ब्रेक घटाउने Magic Twist, लामो यात्रालाई सहज बनाउने Infinite Cruise र भ्वाइस कमान्डमार्फत स्कुटर सञ्चालन गर्न सकिने Voice Interactions जस्ता आधुनिक सुविधाहरू समावेश छन्। 

एथर रिज्ता (Ather Rizta): पारिवारिक प्रयोगलाई ध्यानमा राखेर तयार पारिएको यो मोडलमा लामो तथा आरामदायी सिट र दैनिक घरायसी प्रयोजनका लागि उत्कृष्ट सिटिङ स्पेस उपलब्ध छ। 

बलियो सर्भिस र ६० प्रतिशतभन्दा बढी चार्जिङ नेटवर्क

एथर नेपालले ग्राहकहरूको बिक्री पछिको अनुभवलाई भरपर्दो बनाउन देशभर १० भन्दा बढी आधिकारिक सर्भिस सेन्टर र ५० भन्दा बढी फास्ट चार्जिङ पोइन्टहरू (Fast Charging Points) सञ्चालनमा ल्याइसकेको छ। 

यसका साथै, कम्पनीले Ather Eight70 Battery Warranty अन्तर्गत ८ वर्ष वा ८०,००० किलोमिटर (जुन पहिले आउँछ) सम्मको ब्याट्री वारेन्टी प्रदान गरेको छ। वारेन्टी अवधिभित्र ब्याट्रीको स्वास्थ्य (Battery Health) ७० प्रतिशतभन्दा तल पुगेमा ब्याट्री रिप्लेसमेन्ट कभरेज समेत उपलब्ध गराइने कम्पनीले जनाएको छ। 

असोज ११ सम्म विशेष ओपनिङ स्किम

सुर्खेत शोरुमको नयाँ सञ्चालनको अवसरमा एथर नेपालले आगामी असोज ११ गतेसम्मका लागि सीमित अवधिको विशेष ओपनिङ अफर (Opening Scheme) सार्वजनिक गरेको छ:

नगद खरिद (Cash Purchase): Eight70 ब्याट्री वारेन्टी। 

फाइनान्सिङ (Financing): ०% (शून्य प्रतिशत) ब्याजदरमा किस्ताबन्दी सुविधा। 

एक्सचेन्ज (Exchange): पुराना सवारी साधन एक्सचेन्ज गर्दा थप रु. ८,००० सम्मको एडिसनल भ्यालुएसन (Additional Valuation)। 

बैद्य इनर्जीले देशका प्रमुख शहरहरूबाहेक दूरदराजका क्षेत्रमा समेत वातावरणमैत्री, प्रविधिमैत्री र भरपर्दो विद्युतीय सवारी साधनको पहुँच पुर्‍याउने लक्ष्यका साथ सुर्खेतमा आफ्नो नेटवर्क विस्तार गरेको जनाएको छ।