साइबर कसुर आरोपमा वेदिका केसी पक्राउ, अदालतबाट म्याद थप

काठमाडौं, साउन ७ । सामाजिक सञ्जाल तथा विभिन्न युट्युब च्यानलमार्फत अफवाह फैलाएको आरोपमा वेदिका केसी पक्राउ परेकी छन्।

प्रहरीको केन्द्रीय साइबर ब्यूरो (भोटाहिटी)ले उनलाई साइबर कसुर मुद्दामा अनुसन्धानका लागि पक्राउ गरेको हो। ब्यूरोका प्रवक्ता प्रहरी उपरीक्षक दिलीपकुमार गिरीका अनुसार काठमाडौं जिल्ला अदालतबाट एक दिनको म्याद थप गरी अनुसन्धान अघि बढाइएको छ।

प्रहरीका अनुसार केसीमाथि सामाजिक सञ्जाल र विभिन्न युट्युब च्यानलमार्फत राधिका दासीविरुद्ध अफवाह फैलाएको आरोप लागेको छ। घटनाबारे थप अनुसन्धान जारी रहेको प्रहरीले जनाएको छ।